PressPort logo
https://www.pressport.com/int/news/pressreleases/kalaallit-nunaanni-sullivinni-avatangiisit-pillugit-malittarisassat-nutartikkat-1270
ad

Kalaallit Nunaanni sullivinni avatangiisit pillugit malittarisassat nutartikkat

Press release April 21, 2005 Public

KALAALLIT NUNAANNI TUSAGASSIORFINNUT NALUNAARUTKøbenhavn apriilip 21-anni 2005

Sullivinni avatangiisit pillugit inatsisip allanngortinneqarnera kiisami  Kalaallit Nunaannut atuuttussanngussaaq. Inatsisikkut kikkut tamarmik sulitillutik ava-tangiisiminni isumannaatsunik peqqinnartunillu atugaqarnissaat qularnaarne-qassaaq, taamaaliornikkut meeqqat inersimasullu sullivinni pitsaasunik avata-ngiiseqarsinnaaleqqullugit.

Folketingimi ilaasortat tamarmiusut Kalaallit Nunaanni sullivinni avatangiisit pillugit inatsisip  allanngortinneqarnera akuersissutigaat. Inatsit allanngortinneqartariaqaler-poq inatsit atuuttoq 1986-imeersoq ullutsinnut naleqqussartariaqalermat. Kalaallit Nu-naanni Danmarkimilu qinersinerit pissutigalugit allanngortitsineq arlaleriarluni ki- nguartinneqartarpoq.

Inatsisip akuersissutigineqarnera suliffissaqartitsinermut ministerip Claus Hjort Frederiksenip nuannaarutigaa imalu oqaaseqarluni:

- Inatsisinik allanngortitsinertigut Kalaallit Nunaanni sullivinni avatangiisit pitsaanerul-ersinnissaat neriuutigaara. Erseqqissumimmi malugisimavara inuiaqatigiinni kalaallini sullivinni avatangiisinik pitsaanerulersitsinissamut taakkulu iliuuseqarfiginissaannut piumassuseqarluartoqartoq.

- Danmark Kalaallillu Nunaat Kalaallit Nunaanni sullivinni avatangiisini pissutsit pit-saalluartuunissaannut ataatsimoorlutik pisussaaffeqarput, taamaattumillu nuan-naarutigaara Kalaallit Nunaanni Suliffigissaasut aammalu Namminersornerullutik Oqartussat allanguutinik tapersersuimmata.

- Ilanngussat nutaat ilagaat 2008-mi suliffeqarfinni qulinik taakkunanngaluunniit amerlanernik sulisulinni Suliffinni Nalilersuisarnerit (APV) atortuulersinneqarnis-saat. Sulisitsisut allat eqqarsaatigalugit Namminersornerullutik Oqartussat tusarniaaffigeqqaartariaqarpavut. Nunami aallaaniarneq pinianerlu massakkut inatsimmi pineqartunut ilaalerput aammalu meeqqanik sulisoqarnermi ukiukinner-paaffissaq quliniit aqqaneq-pingasunut (13-inut) qaffanneqarpoq. Taamaaliornit-sigut meeqqat angajoqqaavilu sulinerminni pitsaasunik avatangiiseqartissallugit qulakkiissavarput.

- Kalaallit Nunaanni Suliffigissaasut suleqatigalugit massakkut arlalinnik nalunaaru-tiliortoqarlunilu ilitsersuusiortoqassaaq. Inatsit 2006-imi januaarip 1-anniit atuutil-erpat nalunaarutit ilaat piareersimasussaapput. Inatsisip allanngortinneqarnerata malitsigisaanik allannguutit suliffeqarfinnit paasilluarneqaqqullugit aamma suliffe-qarfinnut paasititsiniaasoqassaaq.

Paasissutissat amerlanerusut ukunannga pissarsiarineqarsinnaapput:

Charlotte Skjoldager
Oqarasuaat: + 0045 7220 8951, aamma

Karen Vibeke Müller
Oqarasuaat: + 0045 7220 8970

Contacts


Subjects


Public


ad